Num: 6096 | Miércoles 17 de julio de 2019
El tiempo - Tutiempo.net
El tiempo - Tutiempo.net

A Deputación aproba unha axuda de 54.500 euros para a urbanización da rúa Ferrol, no Barco

A Xunta de Goberno aproba máis de 700.000 euros en axudas para Infraestruturas, Medio Ambiente, Deporte, Cultura e Servizos Sociais

Rolda de prensa da Xunta de Goberno da Deputación de Ourense, realizada polo deputado provincial Pablo Pérez.

A Xunta de Goberno da Deputación de Ourense aprobou na reunión celebrada hoxe 712.092 euros en axudas a entidades e concellos da provincia de Ourense para o desenvolvemento de actuacións en materia de Infraestruturas, Medio Ambiente, Deporte, Cultura e Servizos Sociais. Así o informou o deputado provincial de Cooperación, Pablo Pérez, quen deu conta dos acordos adoptados pola dita Xunta, correspondentes ao venres 3 de maio de 2019.

No relativo á cooperación con entidades, a Xunta de Goberno aprobou unha axuda de 30.000 euros para a Agrupación Coral de Ruada para os gastos de funcionamento da entidade correspondentes ao ano 2019. Mentres que, para o Club Hípico Monterrey, aprobou unha axuda de 6.000 euros para colaborar tamén cos gastos de funcionamento da entidade correspondentes a este ano.

No apartado de cooperación cos concellos da provincia, na reunión aprobouse unha axuda para o Concello de Avión, por importe de 60.000 euros, destinada a colaborar cos gastos de mantemento da Escola Infantil Municipal deste municipio, correspondentes ao ano 2019. Pola súa parte, o Concello de Bande recibirá dúas axudas, unha delas por importe de 19.000 euros para o acondicionamento do camiño da Portela en Corbelle e a outra axuda, que ascende aos 34.000 euros, será para o asfaltado de diversas estradas do municipio.
A Xunta de Goberno aprobou, para o Concello do Barco de Valdeorras, unha axuda de 54.500 euros para a urbanización da rúa Ferrol. Para o Concello de Beariz aprobou dúas axudas, unha de 15.992 euros para o acondicionamento dos parques infantís en Magros e Beariz; e a outra de 10.000 euros para diversas actuacións en materia de política cultural.
Continuando en materia de Cultura, na reunión aprobouse unha axuda para o Concello do Carballiño, por importe de 6.000 euros, para a celebración do Premio Antón Losada Diéguez 2019. O Concello de Celanova recibirá tamén unha axuda, de 13.000 euros, que será destinada para a reparación da cuberta do velorio de Viveiro. Para o Concello de Cenlle aprobouse unha axuda de 10.000 euros para os gastos de bombeo correspondentes ao ano 2019, mentres que para o Concello de Larouco aprobouse unha axuda de 11.000 euros para a rehabilitación das antigas casas-escolas para dúas vivendas de aluguer social.

Para o Concello de Lobeira aprobouse unha axuda de 40.000 euros para a adquisición do inmoble en Facós “Xaquín Lourenzo”, mentres que para o Concello de Muíños aprobouse unha axuda de 70.000 euros para a iniciativa “Coñece Ourense”, o Campamento da Ourensanía correspondente ao ano 2019. Pola súa parte, o Concello de Nogueira de Ramuín recibirá dúas axudas, unha delas para o desenvolvemento de diversos traballos en pistas e muros, por importe de 50.050 euros; e a outra axuda de 25.000 euros será destinada para a adquisición dunha furgoneta para o Centro de Día. Así mesmo, a Xunta de Goberno aprobou unha axuda de 20.000 euros para o Concello de Padrenda destinada á adquisición dun tractor rozadora.

Asemade, na reunión aprobouse unha axuda para o Concello do Pereiro de Aguiar, por importe de 25.000 euros, para o acondicionamento e mellora das instalacións do campo de fútbol de Melias. Tamén, o Concello de Piñor recibirá unha axuda de 77.915 euros para a mellora do acceso ao velorio, mentres que para o Concello da Pobra de Trives, aprobouse unha axuda de 60.000 euros para colaborar co proxecto de calefacción da Casa da Cultura. Para o Concello de Quintela de Leirado aprobouse unha axuda de 16.335 euros para o proxecto Punto Interpretativo para Multiusos e, para o Concello da Veiga, unha axuda de 8.300 euros para a adquisición de maquinaria.

No relativo á cooperación cos concellos da provincia, a Xunta de Goberno tamén aprobou a modificación do Plan provincial de cooperación ás obras e servizos municipais e da rede viaria provincial do exercicio 2019, relativa ao Concello de San Cibrao das Viñas que incorpora ao plan principal a obra “pavimentación de viario en Facheiros”, en substitución da obra “ensanche de viario en Facheiros”, cun orzamento de 48.000 euros.

Por último, na reunión aprobouse a resolución da convocatoria do concurso para a concesión de axudas para gastos de funcionamento das federacións ou agrupacións de asociacións veciñais de Ourense correspondentes ao exercicio 2019, pola cal a Deputación de Ourense destina un total de 50.000 euros en tres axudas: á Federación de Asociacións de Veciños de Ourense Limiar (25.524 euros), á Agrupación de Asociacións de Veciños Miño (21.900 euros), e á Federación Provincial de Mulleres Rurais de Ourense (2.574 euros).

NOTICIA 02
NOTICIA 11
NOTICIA 04
NOTICIA 13


NOTICIA 08
PROGRAMACION TV
Programación TV
NOTICIA 01


NOTICIA 03
NOTICIA 07
NOTICIA 06
NOTICIA 09
la encuesta

¿Cree acorde y adecuado el pacto a tres bandas en Ponferrada?

Cargando ... Cargando ...
NOTICIA 12
NOTICIA 10
NOTICIA 05
ADSENSE CUADRADO NOTICIA
Presidente/Editor
Alejandro J. García Nistal
Directora:
Violeta R. Oria
redaccion@elbierzodigital.com | publicidad@elbierzodigital.com | administracion@elbierzodigital.com


© 2019 Grupo Noroeste En Red. Todos los derechos reservados.