Num: 7803 | Martes 19 de marzo de 2024
Opinión


Anda la xente deciendo que pur sere muyer vanye a dare un premiu a las que facen dalguna llavor nel puebru.
A nos, enxamás nus dinon premiu dengunu… Sacausu teniemus a la cigoña na porta todus lus añus cun un ninu mais, pa ponenus nas cuestas mais llabor, i dejanus las tetas comu fardelas vaciés.
Asina fablaban Carmen i María na porta de Carmen…
I pa que demonius queres dengún premiu? – preguntouye Carmen a María- Pa ponelu colgau na cucina i enseñayelu a las vesitas? O pa llevalu colgau del pescuezu cuandu tiengas quei dir conas agueyas? A lo miyore queres llevare´l aldrómene cuandu tiengas que dir a llavar, pa enseñálelu a l´aigua mentras sei tei gielan las manus… Nos non teneimus quei sabere na dei premius, María… i conformainus cun quei un mal aire non nus lleve´l ninu pal ciminteriu. Tamién teneimus quei tenere xeitu conas ogueya, pois non queremus quei´l llobu nus las apañe pa la sua andorga. O tenere manduca pa quei´l cochu sei criye ben populosu…
Ay, María… – seguiú deciendu Carmen- you non entendo muitu d´estas cousas. Peru a nos, ñunca nos dinon premiu dengunu… A lu miyore agora son mais llistas quei nosoutras. Dei dalgunas quei se veyen pur la cai non se pode icire cousa denguna bona Non vale nin pa pedras dei la paré. I lus rapaces que teñen? Haslus guipau? Tudicu´l die coneisus catrapazus nas manus. I tous cun facia dei bobelus. I dei lus sous homes quei me ices? Fablan mentras sei trascordan dei lu cun die fuinun, d´onde veñen, i tamién icen quei agora la sua vida ye meyore. Non sei you, María…- fablaba, Carmen, cun facia remargousa-
Lus premius solu sirvin pa quei t´agaches pur embaxu dei lus mayurales, María… lo mesmu quei cuandu t´arroudillas na iglesia a l´orde del cura. Lus premius non arramplan cona fame, María… ni face tornare a lus cun dié marchonun pa la ciudá! – cuasi choraba, Carmen-
You non queru premius, Carmen… – rispondiuye Maria – tan solu queru vedere un poucu masde dei vida nel puebru, i quei la xente ´s´alcuerde dei lus tempus ya pasaus. A lo miyore dalgunu on tien quei volvere a llavar nel gielu, i empués ponere una gaxa de toyo pa calentaise na coucina baixa
Enxamás sei pode sabere lu quei nus trayerá el dié de mañan, Carmen… – despidiouse, María –
( DÍA DE LA MUJER , A TODAS ELLAS , LAS QUE NO TUVIERON PREMIOS! , TODAS MERECIERON Y MERECEN NUESTRO RECUERDO)

Isasy Cadierno
Enxamás= nunca
Cuestas= espalda
Llabor= trabajo
Vesitas= visitas
Mal aire= enfermedad
Xeitu= cuidado
Andorga= barriga
Manduca= comida
Populosu= gordo, lucido
Cai= calle
Arramplan= quitan
Tornare= volver
Trascordan= olvidan
Gaxa= rama de

FIJA DESKTOP
RANDOM DESKTOP
RANDOM DESKTOP
la encuesta

¿Cree que el ministro de Obras Públicas, Óscar Puente, resolverá parte del déficit de comunicaciones del Bierzo?

Cargando ... Cargando ...
RANDOM DESKTOP
RANDOM DESKTOP
EMPLEO
ofertas empleo ponferrada
RANDOM DESKTOP
RANDOM DESKTOP
ROBA PAGINAS MONEY
PROGRAMACION TV
Programación TV
ACTUALIDAD DIGITAL IBÉRICA
redaccion@elbierzodigital.com | publicidad@elbierzodigital.com | administracion@elbierzodigital.com


© 2024 Actualidad Digital Ibérica. Todos los derechos reservados.